आश्विन शुक्ल षष्ठीया दिन यात सिकाली जात्रा / देशा धाई

थौं सिद्धिकालि मन्दिरया न्हयोनिसं देय्थकाली आजु व तःगुथिया न्यांम्ह थकालि आजुपिं च्वना असमेद होम याई। थो होम बुंगया गुरुजुपिंवया याई । अनलि द्यःपि थुगु होम यागु स्वयत विज्याई । विरभद्र महांकाल विज्याना असमेद होम भंग याईगु धैगु कथं अन प्रसादया रुपे जा होलेगु नं जुई। अनलिं सिकाली मण्डपे भोजन भपिकी वले सिकालि मण्डप जा मजा स्वयगुनं धाई। थो दिन यात सिकालि या धायगुनं चलन दु ।
आश्विन शुक्ल षष्ठीया दिन यात देशा धाई। सुथे न्हापां सिकालीयागु जात्रा कोचयका खोना देशय द्यःपरिक्रमा याई द्यः परिक्रमा याय वले छसिंकथं थथे विज्याई दकले न्हापा श्री रुद्रायणी देवीया द्यः गणपिं विज्याई वया लिउ तःगुया भैरवीपिं विज्याकी, वया लिउ सनागुया भैरवी व खड्गभवानी विज्याई वया लिउ जःगु गुया भैरवी विज्याकी अनलि द्यःख विज्याई अनलि पैंइता खल च्वना वया कोयलाछी डब्ली विश्राम याना, द्यःखलपिं मन्दिरे थाहां विज्याई। अनलि चोय लाछी डव्ली कानाफाटायात पुजा विया वौः होकि विईगु परम्परा दु। थो ज्या कोजायवं श्री रुद्रायणी देवी तःगुथि लसकुसयाना दुचायकलकी थो दिन ज्या कोचागु जुई ।